مساعد ذكي بيرد على زباينك على الواتساب، ليل نهار، باللهجة السورية.

إيه. المساعد بيرد على نفس رقم الواتساب اللي بيعرفه زباينك. بتربطه من تلفونك بكود ربط أو QR، والرسائل بتطلع من عنا كجهاز مرتبط، وإنت بتضل تستعمل الواتساب على تلفونك عادي.

لا ولا. فريق بأمرك بيفتحلك الحساب، وكل شي بيشتغل من التلفون، حتى ربط الواتساب. وجوّا التطبيق في جولة بتشرحلك كل صفحة، وإذا علقت بشي، شام أو الفريق بيساعدوك خطوة بخطوة.

ما بيخترع. بيقلّ للزبون إنه رح يتأكد وبيسألك إنت، وبيوصّل جوابك للزبون بدون ما تفتح المحادثة. وفيك تحفظ الجواب ليعرفه المرة الجاية.

أكيد. بتستلم أي محادثة بأي وقت، من التطبيق أو من تلفونك مباشرة، والمساعد بيسكت مع هالزبون. ولما بدك، بترجّعله المحادثة بكبسة. وفيك تطفيه كله من صفحته وترجع تشغّله وقت ما بدك.

ما بيصير حجزين بنفس الوقت. المساعد بيعرض بس الفاضي فعلاً، واللي بيحجز أول بياخده: ما في موعدين عند نفس الموظفة أو الطبيب بنفس الوقت. وبالمتجر، ما بيسجّل طلب بمنتج خلص.

إيه. الزبون بيبعت فويس، والمساعد بيفهمه وبيرد عليه كتابة.

الرسائل والردود بتطلع من عنا كجهاز مرتبط بواتساب، فبتمشي حتى لو تلفونك مسكّر أو النت عندك ضعيف. بس خلّي تلفونك يتصل بالنت مرة كل كم يوم، لأن واتساب بيفصل الأجهزة المرتبطة إذا غاب التلفون فترة طويلة. وإذا عندك رقم تاني، بيكمّل عن الرقم اللي وقع.

ما حدا بيقدر يضمن هالشي مع واتساب. بس النظام مبني ليحمي رقمك: بيبعت بس بساعات الدوام، بفواصل متل البشر، مع حد يومي، و«عم يكتب…» قبل كل رسالة. وأفضل حماية إنك تراسل زباين بيعرفوك.

أول 14 يوم ببلاش على حسابك الحقيقي. بعدها الدفع شهري ومباشر مع فريق بأمرك: $25 بالشهر لحد 31 كانون الأول 2026 (عرض الإطلاق، وبعدها $50 بالشهر) مع المساعد الذكي، لأي نظام من أنظمتنا، وكل رقم إضافي $10. منتفق معك على طريقة الدفع لما نجهّز حسابك.

جرّب النسخة التجريبية لشغلتك من فوق، وبعدين احكي مع شام على الواتساب. فريق بأمرك بيتواصل معك ليفتحلك الحساب، بتربط رقمك من التلفون، وبتضيف خدماتك وأسعارك وأوقاتك.